மழை ஓய்ந்த நேரம் - சில கவிதை துளிகள்

• சாய்ந்தது மரம்
  நின்றது மழை
  ஈரமில்லாத மனிதன்.
  
  
• இணை தேடி வருமா
  காணமல் போன
  கொலுசு.
  
  
• திருவிழா வாணவேடிக்கை
  பயந்து பறக்கிறன
  புறாக்கள்.
  
  
• விபத்துக்கு உள்ளாகி நிற்கும்
  பேருந்து முழுக்க
  புளியம் பூக்கள்.
  
  
• ஆள்கள் மாறிக் கொள்கிறார்கள்
  அய்யோ பாவம்
  உழவு மாடுகள்.
  
  
• எப்போதும் இருளாய்
  மின் கம்பிகளில்
  குருவிக்கூடு.
  
  
• ஊர்திப்புகை
  மூச்சுத் திணரும்
  செடிகள்.
  
  
• பாலைவனச் சூடு
  நெடுந்தூரப்பயணம்
  எங்கே இளைப்பாறும் நிழல்?
  
  
• சமாதிக்கு மட்டுமன்று
  பூக்களுக்கும்
  மலர் வளையம்.
  
  

இத்தனை படிக்கும் நீங்கள் மறக்காமல் உங்கள் கருத்துகளை என்னிடம்தெரிவிக்கலாம். உங்கள் கருத்துகளுக்காக காத்திருக்கும் நண்பன் - ரங்கோலி.